सह-आयोजक क्यानडाले फिफा विश्वकप २०२६ अन्तर्गत शुक्रबार बोस्निया हर्जगोभिनाविरुद्ध १–१ को बराबरी खेल्दै विश्वकप इतिहासमै पहिलो अंक बटुलेको छ। यो प्रतियोगिताको पहिलो बराबरी खेल पनि बनेको छ।
टोरोन्टोमा भएको खेलमा बोस्निया हर्जगोभिनाले २१औं मिनेटमा जोभो लुकिजको गोलमार्फत अग्रता लिएको थियो। पहिलो हाफमा पछि परेको क्यानडाले दोस्रो हाफमा उत्कृष्ट पुनरागमन गर्दै ७९औं मिनेटमा कायल लरिनको गोलबाट खेल बराबरीमा ल्यायो।
विश्वकपमा तेस्रो पटक सहभागी भएको क्यानडाले यसअघि १९८६ र २०२२ का सबै खेलमा हार बेहोरेको थियो। यसपटक भने बोस्नियासँग अंक बाँड्दै विश्वकप इतिहासमा पहिलो अंक जोड्न सफल भएको हो।
दुवै टोली आफ्ना प्रमुख खेलाडीबिना मैदान उत्रिएका थिए। क्यानडाका कप्तान अल्फोन्सो डेभिस र बोस्नियाका अनुभवी स्ट्राइकर इडेन जेको चोटका कारण खेल्न सकेनन्।
प्रतिक्रिया
० प्रतिक्रिया